आर'नाइ

"रादाय फुंबिलि"
सुजुगिरि:- दैमा ब्रह्म
------------------------

#रादाय फुंबिलि निजोम समाव
सान गोरलै ओंखारनाय बादि
जोनोम जाफैबाय आंनि जौमोन बैसोआ।
जौमोन बैसोनि खावलायनायाव
जावलिया फागुननि हांख्रायनायाव
गोरबोनि अननाय होनो
हांखुर जाबाय सोरबा अनजालिनो-
बे बुब्लियाव
नोजोरा नोंनिथिंजाय,
सानबाय नोंखौनो अराय जिवनि
अराय सम थैस' थांस'नि
नोंनि खुगायावबो खोनाबाय
आंलाय रजे
नोंबोदि आंखौ मोजां मोनो
रादाय होबाय नोंनो रजे
बिफां-लाइफां, दैमा-दैसा गासै�

-*-*-*-*-*-*-

"खन्थाइ - 4"
सुजुगिरि:- दैमा ब्रह्म
------------------------

आंनि बे खाखोराव
जोनोम दिनै नोंनि,
सुजुबाय आं
थौले मेलेमनि सानस्रिजों
सोदोबनि उनाव सोदोब
जाया जाया साजायनानै
नोंनिनो महर
बरनायनानै।

ओइ खन्थाइ
आं खन्थाइगिरि नङा
गोथौ गोथौ सानस्रिजों
लिरनो आं रोङा,
खबाम गोरोबहोना
गोदै देंखो जाहोनो
आं रोङा।

दुँलोबनाय गोसोनि
ब्रा ब्रा थिनथाबनायासो
गोहो होयो आंखौ
नोंनि महर साजायनो,
जाउनाव आंबो
आखाय फिदिङो लासै लासै।

-*-*-*-*-*-*-*-